شنبه ۱ بهمن ۱٣۹۰ - ۲۱ ژانويه ۲۰۱۲

 

 

 

اؤیرنجی: اؤیرنجی دوشرگه سینین چئشیتلی خبری قایناقلاردان الده ائتدگی ساولارا گؤره ایران دیش ایشلر باخانی علی اکبر صالحی ایرانین نوکلئر دانیشقلاری ایله ایلیشگین آنکارایا گئده رک رجب طیب اردوغانلا گؤروشدو. آنکارادا پلانلاشلان بو گؤروشده علی اکبر صالحی ایرانین نوکلئر مسئله سی اوزره رجب طیب اردوغان ایله بیر ساعاتدان چوخ سورن گؤروشونده بؤیوک احتیمال ایله ایرانین نوکلئر مذاکره لری نین آنکارادا اولاجاغینی وورغولادی. بو  گؤروشده علی اکبر صالحی ایران ایله تورکیه نین کولتورل ساحه ده یاخینلیقلارینا ایشاره ائده رک ایران خالقی نین یوزده قیرخینی تورکلر اولشدوردوغونو اونایلادی. بو او حالدادیر کی دائما ایرانین رسمی قایناقلاری ایله دولت آداملاری ایرانداکی تورکلری بیر آزینلیق اولاراق حئساب ائدیب و چوخ یئرده آذری آدلاندیردیغی بو اولوسو تورکلردن آیری بیر بوی حساب ائدرلر.