دونیا آنا دیلی گونو بوتون دیل داشلاریمیزا قوتلو و موتلو اولسون

آنا دیلی اینسانلارا ان ایلکین کیملیک باغیشلایان عونصوردور. اینسانلار یاشادیخلاری دونیانی آنا دیل لری ایله تانیییب و اوندان ایلگی قورورلار. هر میللتین وارلیغی آنا دیلیسی ایله ایلگیلیدیر. بو گونکو دونیادا هر اینسانا اؤز آنا دیلینده مکتب آچیلماخ و یازیب-اوخوماق حاققی رسمییته تانینماخ اینسانلارین ان ایلکین حاخلاریندان ساییلیر. آنا دیلینین اینسانلارین یاشامیندا او قده ر اؤنمی یوکسکدیر کی یونئسکو ۱۹۹۹-جو ایلده، فئورال آیی نین ییرمی بیرین (بایرام آیی نین ایکی سین) دونیالیق آنا دیلی گونو آدلاندیردی. همن زاماندا دؤولتلرده ن ایسته نیلیب کی اؤلکه لرین رسمی دیل لرینین یانیندا، اؤلکه ایچینده یاشایان باشقا میللتلرین دیل لری ده رسمییه ته تانینمالی، بوتون ساهه لرده ایشه گئچمه لی و اونون گلیشمه سینه ایمکان یارادیلمالیدیر.

بو گون دونیانین بوتون اینسانلارینا، اؤزه للیکله قوتسال اؤلکه میز آزربایجانیمیزدا یاشایان دیل داشلاریمیزا قوتلو و موتلو اولسون. آنا دیلیمیزی قوروماق اوچون بو گونده ن بری، اؤز آنا دیلیمیزده یازیب-اوخوماغی باشلاییب، بیر-بیریمیزه تورکی کیتاب ایتحاف ائدیب، آنا دیلیمیزین اؤیره نمه و اؤیره تمه سینده چالیشیغیمیزی داها آرتیریب و آنا دیلیمیزه سؤیکنمکله اؤز یوکسک کولتوروموزو یاشادیغیمیز دونیادا یایماغا چالیشاق.

منده بو گونو اوز همشهریلریمه تورک سئون بینابیلیلارا تبریک دئییرم

امیدیم وار آنادیلیمیزی (منیم نسلیمدن گئچدی) اوشاقلاریم و اوشاقلاریمیز مدرسه لرده اوخوسونلار

۳۵ میلیون جمعیتین اولا و سن اوز دیلینده درس اوخویانمیاسان

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!